I njohur si Abu Musa al-Britani, studenti 20-vjeçar, shqiptari Fatlum Shalaku, ishte në mesin e gjashtë militantëve që e hodhën veten në ajër, raporton ITV, transmeton Telegrafi.

Në mars, po ashtu në Irak, kishte vdekur vëllai i Fatlumit, Flamuri 23-vjeçar.

Një shok i tij i shkollës thotë se Fatlumi ishte miqësor, i shoqërueshëm e që i pëlqente të shpërndante foto të tij në rrjetet sociale. Tranzicioni i tij në esktremist ishte gradual, përderisa i vëllait të tij më i shpejtë.

ITV shkruan se këta vëllezër vijnë nga familja jo e devotshme myslimane nga Kosova.

Ata kanë shkuar në Turqi më 2013, prej nga kaluan në Siri. Prindërve u kishin thënë se po shkojnë për të bërë punë humanitare.

Miqtë e tij janë të shokuar kur morën vesh se ai ishte sulmues vetëvrasës.