Inspektoriati Shtetëror Shëndetësor do të nisë kontrollet si për subjektet e përhershme, por dhe ato që ushtrojnë aktivitetin vetëm gjatë sezonit të verës, duke i detyruar që të ndërtojnë gropa septike, të cilat të zbrazen minimalisht një herë në muaj.

Për këtë do të duhet të deklarojnë madje edhe faturën që e kanë marrë këtë shërbim, por nga ana  tjetër do të bëhet verifikimi i dokumentacionit edhe për subjektin që e ka ofruar këtë shërbim.

Derdhja e ujërave të zeza në det ka qenë një problem shqetësues në të gjitha sezonet turistike të kaluara. Edhe ato subjekte që e kanë zgjidhur çështjen e ujërave të zeza me gropa septike, nuk i zbrazin ato në mënyrë periodike, ose kanë krijuar lidhje tubacionesh të dyfishta, duke shkarkuar një pjesë të tyre në det.