Si të pajtohesh më lehtë me ish-dashnoren, apo me ish-dashnorin
Kur meshkujt përpiqen që të pajtohen me ish-dashnoren, kryesisht përpiqen me romantikë. Po femrat? Shumica e tyre ish-dashnorët i joshin “me krevat”.
Lifestyle
Një hulumtim i bërë në Britani të Madhe ka treguar që më shumë se gjysma e njerëzve përpiqet që sërish ta kthejë ish-partnerin, duke u dhuruar lule apo ndonjë gjë të vogël.
Meshkujt dhurojnë stoli apo veshje të brendshme, ndërkaq damat ish-dashnorëve/të ardhshmëve i dhurojnë gardërobë apo konsolë për lojëra kompjuterike.
Duket se kjo ka “sukses”, sepse rreth 62 për qind e meshkujve kanë thënë se në atë mënyrë kanë arritur të pajtohen me ish-partneren me të cilën kanë qenë në lidhje dashurore.
Këtë taktikë kryesisht e përdorin meshkujt, duke pasur parasysh që tri të katërta e femrave të intervistuara kanë thënë që nuk blejnë dhurata kur dëshirojnë që të pajtohen me ish-dashnorin, por përpiqen që sërish t’i joshin me seks.
Natyrisht që ka edhe meshkuj të cilët përdorin këtë taktikë, mirëpo nëse është për të gjykuar sipas hulumtimit, janë më pak se femrat – mezi një e treta e tyre përpiqen që me ish-dashnoren të pajtohen nëpërmjet krevatit.
Hulumtimin e ka bërë sajti findmeagift.co.uk, ndërkaq ka përfshirë 1.927 persona të të dy gjinive të moshës mbi 28 vjeçare.
Cila është mënyra jote e pajtimit me ish-partnerin?./Telegrafi