Sabiha Shala takohet me sportistët pejan: Qyteti i kampionëve meriton më shumë mbështetje
Kandidatja për kryetare të Pejës nga Partia Demokratike e Kosovës, Sabiha Shala ka takuar disa përfaqësues të sportit pejan në mesin e tyre edhe Driton Kuken dhe Nazmi Iberdemajku kanë diskutuar në lidhje me problemet e sportit pejan.
Lajme
Shala ju ka premtuar sportistëve më shumë kujdes institucional sepse të gjitha mundësit ekzistojnë vetëm kërkohet vullnet dhe përkushtim nga organet komunale.
Në mes tjerash Shala deklaroj se: “Nuk ka asgjë më të mirë dhe më emoconuese sesa të shohësh një popull të tërë që hap sytë drejt një kampione, që mban gjallë shpresën e dy milion njerëzve!
Kampionia olimpike është një pejane, kujtimet e secilës do të ruhen gjithnjë në krenarinë e Pejës.
E di mirë se sporti është drithërim i punës së madhe dhe përkushtimit të madh të lojtareve, dhe ky mund e përkushtim i madh natyrisht se meriton më mirë.
Qeverisja ime me Pejën do ti ndan sportistëve një buxhet prej 3%, do ti siguron ndërtimin e sallës së Xhudos, koncesionimin e stadiumit të qytetit përmes PPP-së, renovimin e stadiumeve tjera, ndërtimi i qendrave rekreative sportive në çdo bashkësi lokale, si dhe mbështetja e ndërtimit të qendrës së skijimit në Bogë.”
Ndërsa Xhavit Haliti ju premtoj sportistëve se do të qëndroj prapa çdo premtimi që Shala e tha për komunitetin sportiv.