Pak shpresa për tejkalimin e krizës në Maqedoni, dështon takimi Vjenës

Takimi i thirrur nga komuniteti ndërkombëtar në Vjenë për tejkalimin e krizës në Maqedoni është anuluar.

Lajme

21/04/2016 16:00

Këtë e ka konfirmuar zëdhënësja e Komisionit Evropian, Maja Kocijançiç, duke mos dhënë detaje të tjera për arsyen e anulimit të këtij takimi.

Por, jo zyrtarisht mësohet se arsyeja e anulimit të këtij takimi midis katër liderëve politikë nga Maqedonia, janë kushtet e kryetarit të LSDM – së opozitare, Zoran Zaev. Zaev para disa dite kushtëzoi pjesëmarrjen e tij në këtë takim me tërheqjen e vendimit të presidentit Gjorge Ivanov për falje dhe shtyrjen e datës së zgjedhjeve të parakohshme të caktuara për 5 qershor.