Nxirret i vdekur nga gërmadhat edhe personi i dytë
(I plotësuar) Nën gërmadhat e shpërthimit të termocentralit Kosova A është gjetur edhe personi i tretë që po kërkohej. Ai është nxjerrë i vdekur nga aty.
Lajme
Arsim Gërxhaliu ka verifikuar për KosovaPress se personi i tretë që kërkohej është gjetur i vdekur.
“Para 5 minutave e kemi gjetur edhe një tjetër person të vdekur, mirëpo nuk mund të ju them sigurt për emrin e tij”, ka thënë Gërxhaliu për KosovaPress.
______________________________________
Po vazhdon kërkimi nën gërmadha i personit të tretë
Ekipe të ndryshme po vazhdojnë të kërkojnë edhe më tutje rreth personit i cili gjendet ende nën gërmadha, nga shpërthimi në termocentralin Kosova A.
Po ashtu familjarët po vazhdojnë të presin tek hyrja e termocentral, por nuk kanë ndonjë informatë për fatin e tij.
Personi i cili po kërkohet nën gërmadhat e shkaktuara nga shpërthimi, është Bashkim Mehana.
Familjarët e tij kanë thënë më herët për KosovaPress se ata janë dëgjuar në telefon me të, mirëpo ende gjendet nën gërmadha.