Kështu tha për lajmi.net zëvendësministri i Punëve të Jashtme, Petrit Selimi, i cili tha se shtetet që e njohin Palestinën, nuk e njohin Kosovën.

Selimi tha se Kosova nuk krahasohet në asnjë mënyrë me rastin e Palestinës.

“Shtetet që e njohin Palestinën nuk e njohin Kosovën. Mund të marrin shembullin e shtetit të Rusisë. Prandaj diplomacia kosovare nuk vepron duke krahasuar situatën tonë në asnjë mënyrë me atë të Palestinës”, tha Selimi.

Sot, Vatikani e ka njohur pavarësinë e Palestinës. Ndërkaq, Selia e Shenjtë, një gjë të till, ende nuk e ka bërë për Kosovën.

Javë më parë, zëvendëskryeministri Hashim Thaçi ka qëndruar në vizitë zyrtare në Vatikan, por akoma nuk ka pasur ndonjë lëvizje të Selisë së Shenjtë në njohjen e pavarësisë së shtetit tonë.

Palestina deri më tani është njohur nga 135 vende. Ndërsa Shtetet e Bashkuara të Amerikës, nuk e kanë njohur shtetësinë e këtij vendi i cili tenton të pavarësohet nga Izraeli. (lajmi.net)