Mësohet se 45-vjeçari është vrarë gjatë një përplasjeje me armë me policinë gjatë operacionit për arrestimin e tij.

Dushi iu përgjigj me armë forcave të policisë. Mësohet se operacioni për kapjen e Dushit u bë në fshatin Gziq të Lezhës.

45-vjeçari akuzohej për dy vrasje dhe për falsifikim dokumentesh. Ai ishte dënuar me 17 vjet burg për vrasje dhe tre vjet për falsifikim dokumentesh.

Gjithashtu, i shumëkërkuari ishte në gjykim për vrasjen e një personi të identifikuar me inicialet M.J.

Kujtojmë se Dushi ka qëlluar më armë ndaj RENEA-s edhe disa muaj më parë, ku arriti të largohej gjatë një operacioni për arrestimin e tij.