Një shqiptar vdes në aksident trafiku në Itali

Një shqiptar është aksidentuar për vdekje mesditën e sotme në Siena, Itali. Bëhet fjalë për një aksident të ndodhur në kilometrin e 21 të autostradës Siena-Betolle.

Lajme

28/04/2016 19:21

Viktima është identifikuar si Klodi Serra, një shqiptar 38 vjeç, rezident në zonën e Castiglion.

Ai ishte duke udhëtuar me një furgon “Renault Kangoo” dhe po shkonte në Peruxhia ku edhe punonte. Për motive ende të pazbardhura ai kishte humbur kontrollin e makinës dhe ishte përplasur me mbrojtëset anash rrugës.

Në vendin e ngjarjes kanë shkuar ambulanca dhe policia, ndërsa shqiptari kishte humbur jetën në aksident.