Mediu flet për Gërdecin: Agjenturat e huaja donin destabilitet në Shqipëri

Fatmir Mediu ka folur në një emision televiziv për tragjedinë e Gërdecit. Duke komentuar ngjarjen e 15 marsit 2008, Mediu tha se deri atë ditë nuk e dinte se ku ndodhej Gërdeci.

Lajme

18/04/2016 22:41

Gjatë një interviste në emisionin “Shih Programin” në TVSH, ish-ministri i Mbrojtjes është shprehur se nuk përjashton që në këtë ngjarje të ketë pasur një ndërthurje të veprimtarisë së agjenturave të huaja të vendeve fqinje, të cilat nuk dëshironin hyrjen e Shqipërisë në NATO.

Mediu është shprehur se një muaj para se të ndodhte tragjedia ku humbën jetën 26 persona, ai si ministër dhe shefi i Shërbimit Inteligjent të Ushtrisë janë informuar nga shërbimet amerikane në lidhje me organizime që kishin për qëllim të krijonin destabilitet.

Sipas tij, ka pasur informacion nga shërbimi inteligjent italian në lidhje me këtë rrezik që i kanosej vendit tonë.