Aksidenti ka ndodhur në afërsi të Velesit kur treni i linjës Selanik – Beograd ka përplasur papritmas grupin e emigrantëve, të cilët po lëviznin nëpër hekurudhë, që vazhdon të jetë një rrugë e shfrytëzuar për emigrant nga Lindja.

Aksidenti fatal ka ndodhur rreth orës 22.30 në lokalitetin e njohur “Pcinja”, raporton Agjencia e lajmeve INA.

Policia lokale informoi se një pjesë e emigrantëve kanë arritur që të shpëtojnë dhe t`i shmangen vdekjes pasi që kanë hetuar lëvizjen e trenit me shpejtësi të madhe.

Aksidenti ka ndodhur në një zonë të thellë që mund të shkohet vetëm me tren, pasi nuk ka rrugë të tjera.