Sapo ka dalë edhe rezultati zyrtar nga Ministria e Brendshme e Austrisë. Ministri  Wolfgang Sobotka ka konfirmuar edhe zyrtarisht fitoren e ambientalistit Va der Bellen.

Sipas Sobotka, Bellen ka fituar me një rezultat mjaft të ngushtë, duke marrë 50,3 për qind të votave kundrejt 49,7 përqind të kandidatit të FPO-së Norbert Hofer, njofton “albinfo.ch”.

Sipas mediave austriake, vendimtare në fitoren e Van der Bellen ishin votat e austriakëve që jetojnë jashtë vendit.

Hofer kishte qëndrime negative për Kosovën. Ai më herët ka thënë se kur bëhet fjalë për Kosovën, “plagët janë të freskëta”, ndaj kundërshtonte anëtarësimin e Kosovës në organizatat ndërkombëtare, përfshirë BE-në dhe OKB-në.

Politikanët popullistë serbë mu për këtë u bënë thirrje serbëve me banim në Austri të votojnë Hoferin, partia e të cilit madje mallkonte shtetin e Kosovës. Është pikërisht shefi i tij në parti, Christian Strache, që Kosovën e quante “zemër të Serbisë”. Ai kishte protestuar më 2008, por edhe më vonë kundër pranimit të pavarësisë së Kosovës nga Qeveria e Austrisë. Strache po ashtu ideklaruar si adhurues i muzikës së Cecës, ish-gruas së kriminelit të vrarë të luftës Arkan.