Makina përplas për vdekje një 7-vjeçare
Një aksident tragjik i ka marrë jetën një vajze 7–vjeçare. Ngjarja ka ndodhur mëngjesin e sotëm në Velipojë, në vendin e quajtur “Sektor”.
Lajme
A.SH., ka gjetur vdekjen pasi teksa po kalonte rrugën është përplasur nga një automjet tip Benz që sipas mediave shqiptare, drejtohej nga Lush Gjelaj.
Përplasja ka qenë aq e fortë saqë vajza nuk ka mundur t’u mbijetojë plagëve të marra, duke ndërruar jetë kështu rrugës për në spital. Policia ka shoqëruar drejtuesin e automjetit, ndërsa po heton për zbardhjen e plotë të ngjarjes./lajmi.net
