Le Pen thotë se Franca duhet të rikthejë kontrollet kufitare për ta luftuar terrorizmin
Kandidatja e ekstremit të djathtë për presidente të Francës, Marine Le Pen ka thënë se Franca duhet të rikthejë kontrollet kufitare dhe të dëbojë nga shteti të huajt.
Bota
Kjo sipas saj, është mënyra më e mirë për të luftuar terrorizmin islamik, raporton Reuters
“Ne nuk mund të përballojmë humbjen e kësaj lufte. Qeveritë e 10 viteve të fundit, kanë bërë çdo gjë që ne ta humbim këtë luftë. Ne kemi nevojë për një presidencë e cila vepron dhe na mbron”, është shprehur Marine Le Pen, transmeton lajmi.net
Sulmi i djeshëm në Francë, ka ndodhur pikërisht para zgjedhjeve të cilat do të mbahen të dielën, e ku kandidate kryesore do të jetë edhe Le Pen.
Ajo gjatë tërë kohës ka kritikuar shtetin për mënyrën e sjelljes ndaj sulmeve terroriste, dhe ka shtuar se do të synojë largimin e Francës nga Bashkimi Evropian. /Lajmi.net/