Kryeministri Haradinaj ka dëgjuar shqetësimet dhe problemet e delegacioneve të dy fshatrave të Komunës së Obiliqit për çështjen e shpronësimit të pronave të pasura me thëngjill, të domosdoshëm për furnizimin e rregullt të Korporatës Energjetike të Kosovës.

Në bisedë me delegacionet e të dyja fshatrave të Komunës së Obiliqit, kryeministri Haradinaj ka arritur pajtueshmërinë për zgjidhjen e shqetësimeve të tyre sipas modelit dhe praktikës së mëhershme të zbatuar në rastin e fshatit Hade, shkruan lajmi.net.

Ndërkaq në fotografitë e dërguar nga zyra e kryeministrit, shihet se si Haradinaj qëndron në këmbë dhe shërben me ujë banorët e këtyre dy fshtarave.

Në të njëjtën kohë, Haradinaj shihet duke i dërgjuar me vëmendje vërejtjet e këtyre banorëve. /Lajmi.net/