Kryeministri i Gjeorgjisë: Nuk e njohim Kosovën
Kryeministri i Gjeorgjisë, Giorgi Kvirikashvili ka thënë se vendi i tij mbetet në pozicionin për të mos e njohur pavarësinë e Kosovës.
Lajme
Këtë deklaratë ai e bëri gjatë një takim që pati të hënën në Tbilisi me zëvendëskryeministrin dhe Ministrin e Tregtisë së Serbisë, Rasim Ljajiq dhe atë të Administratës Shtetërore dhe Pushtetit Lokal Branko Ruzhiq, transmeton Klan Kosova.
Ai e ka arsyetuar këtë qëndrim me siç ka thënë “parimet e paprekshmërisë së kufijve dhe mosndërhyrjen në punët e brendshme të shteteve të tjera që duhet të jenë bazë për stabilitetin e përgjithshëm në marrëdhëniet ndërkombëtare”.
Kosova që prej shpalles së pavarësisë në vitin 2008 është njohur nga 114 vende.
Ndërkohë që muajin e shkuar, kryediplomati serb, Ivica Daçiq kishtë thënë se Surinami e ka tërhequr njohjen e Kosovës, mirëpo autoritetet kosovare patën mohuar të kenë pranuar dokument zyrtar lidhur me tërheqjen e njohjes nga vendi që ndodhet në Amerikën Jugore.