“Një pjesë e madhe e popullsisë nuk e di se alkooli mund të shkaktojë kancer”, tha Kevin Schild, një ekspert i Agjencisë Ndërkombëtare për Kërkime mbi Kancerin, që e ka bërë studimin, transmeton lajmi.net.

Ai vuri në dukje se kanceri po prek edhe popullatën në Amerikën e Veriut, Australi dhe Evropë, veçanërisht Lindore dhe se ato do të bashkohen së shpejti me vendet që janë në zhvillim të shpejtë, të tilla si Kina dhe India, ku konsumi i alkoolit është në rritje.

Studimi është i bazuar në të dhënat e vitit 2012 dhe tregoi se rastet e kancerit të lidhura me alkoolin përbëjnë pesë për qind të numrit të përgjithshëm të rasteve të reja dhe 4.5 për qind të numrit të përgjithshëm të vdekjeve çdo vit në botë.

Sipas rezultateve të disa studimeve, rastet e kancerit të lidhur me alkoolin janë të lidhur ngushtë me nivelin e zhvillimit të vendit, që tregon se rritja e konsumimit të alkoolit ndjek ritmin e zhvillimit të vendit.

Studimi, i cili vitin e ardhshëm do të publikohen në revista shkencore. /Lajmi.net/