Me 44 vota për, 2 kundër dhe 18 abstenime, Kuvendi ka miratuar në parim ligjin për zgjedhjet e përgjithshme.

Rekomandimet e deputetëve të Kuvendit të Kosovës do të procedohen në Komisionin për Legjislacion dhe pastaj ligji do të vijë sërish në Kuvend për amandamentim dhe miratim.

Ligji për zgjedhje të përgjithshme është iniciuar në vitin 2011, si rrjedhojë e një marrëveshje në mes të PDK-së, LDK-së dhe AKR-së.

Deputetët kanë thënë se ligji nuk është një reformë e mirëfilltë, por se sipas Haki Demollit, ish-Kryetarit të Komisionit Ad Hoc për Reformë Zgjedhore “ky ligj garanton zgjedhje më të mira se ligji aktual, më të lira dhe më demokratike”.