Madje, sipas tyre, arrestimi i grupit të udhëhequr nga deputeti i deridjeshëm i PDK-së, Azem Syla, i dyshuar për krim të organizuar mund të dërgojë sinjal pozitiv te Bashkimi Evropian se institucionet e Kosovës janë duke e luftuar, seriozisht krimin e organizuar.

Sipas tyre, arrestime edhe më të mëdha mund të priten në të ardhmen, pasi ata vlerësojnë se Kosova ka ende shumë për të bërë në luftim e korrupsionit dhe krimit të organizuar.

Fisnik Rexhepi, këshilltar i lartë i ministrit për Integrim Evropiane, ka thënë për “Zërin” se në takimet që ministri Bekim Çollaku dhe kryeministri Isa Mustafa kanë zhvilluar në Bruksel është konfirmuar progresi i Kosovës në përmbushjen e kritereve për liberalizim.

Rexhepi ka thënë se shuam shpejt do të jepet rekomandimi i Komisionit Evropian për heqjen e vizave për kosovarët.

Ndërsa, sipas njohësit të çështjeve të integrimee, Shenoll Muharremit, rekomandimet për liberalizim të vizave pritet të jepet javën e ardhshme, ndërsa zbatimi, pra kur qytetarët e Kosovës do të mundë të udhëtojnë pa viza në BE, do të merr kohë 3 deri në 6 muaj.