Ministria e Integrimit Evropian përmes një komunikate për media ka njoftuar se me ambasadorin italian është diskutuar për proceset të cilat ndërlidhen me agjendën evropiane të Kosovës, zhvillimet në rajon dhe deri tek lëvizja e lirë për qytetarët e Kosovës.

”Kosova është plotësisht e dedikuar në avancimin me agjendën evropiane dhe këtu ka një konsensus të plotë shoqëror”, ka thënë Hoxha.

Në anën tjetër, ambasadori Sardi e përgëzoi ministren Hoxha për emërimin në pozitën e re dhe shprehu bindjen e tij për një bashkëpunim të suksesshëm.

Ai po ashtu konfirmoi gatishmërinë për bashkëpunim të Qeverisë Italiane për Kosovën dhe posaçërisht në procesin e integrimit evropian.