Interesim i bizneseve austriake për mbeturinat e Gjilanit
Një delegacion i Odës Ekonomike të Austrisë, në krye me Gerhard Schlattl, ka qëndruar sot në Gjilan, ku është pritur nga drejtori për Zhvillim Ekonomik, Ismail Januzi.
Lajme
Në këtë delegacion ishin edhe përfaqësues trë kompanive të shquara austriake për të parë mundësitë e investimeve vetjake sikurse edhe përmes partneritetit publiko-privat, kryesisht në sektorë të ekologjisë, në trajtimin e ujërave të zeza, mbeturinave etj.
Ismail Januzi ka falënderuar delegacionin austriak për vizitën dhe interesimin për të investuar në Gjilan, duke thënë se kjo komunë mirëpret investitorët e huaj sepse kjo përkthehet me zhvillim ekonomik dhe vende të reja të punës, njofton e.
Përfaqësuesit e këtij delegacionit kanë thënë se duke parë se është krijuar një klimë e mirë për investitorët e huaj në Gjilan, kanë zgjedhur këtë komunë për të parë të gjitha mundësitë e investimeve në fushën e ekologjisë.