Haradinaj thotë se me përfaqësuesit e SBASHK-ut do të punojnë në trajtimin e kërkesave të tyre – Lajmi.net
Haradinaj thotë se me përfaqësuesit e SBASHK-ut do të punojnë në trajtimin e kërkesave të tyre
Autori: Lajmi.net LajmeNacionale 10:33, 14 February 2018
Kryeministri i Kosovës, Ramush Haradinaj ka thënë se gjatë ditëve në vijim do të takohet me përfaqësuesit e SBASHK-ut, për të diskutuar lidhur më kërkesat e tyre.

Ai ka thënë se njohja e kontributit të mësimdhënësve të viteve të 90-ta është e një rëndësie të veçantë.

“Duke marrë parasysh sakrificën e të gjitha segmenteve të shoqërisë sonë, Qeveria e Kosovës ishte dhe mbetet e përkushtuar që t’i trajtojë me prioritet kërkesat dhe nevojat e të gjitha kategorive të lirisë. Tashmë një pjesë e këtyre kategorive kanë mbështetjen e plotë ligjore”.

“Në këtë frymë të përkushtimit, njohja e sakrificës së mësimdhënësve të viteve të ’90-ta ka poashtu një rëndësi të veçantë. Mësimdhënësit e viteve të ’90-ta ishin shtylla e papërkulur e rezistencës sonë”.

“Gjatë ditëve në vijim do t’i takojë përfaqësuesit e SBASHK-ut dhe bashkërisht me ta do të punojmë në trajtimin e kërkesave me qëllim të realizimit të tyre, por edhe në përmbushjen e obligimeve tona si shtet”, ka shkruar Haradinaj në facebook.

Për sot SBASHK ka bërë thirrje që orët e para mësimit të ndërrimit të paradites dhe pasdites mos të mbahen si shenjë proteste për mos plotësimin e kërkesave të tyre./Lajmi.net/

 

 

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO