Haradinaj: Isha direkt me BE-në, presim lajme të mira për liberalizimin e vizave – Lajmi.net
Haradinaj: Isha direkt me BE-në, presim lajme të mira për liberalizimin e vizave
Autori: Lajmi.net LajmePolitikë 18:55, 17 May 2018
Kryeministri i Kosovës, Ramush Haradinaj, ka thënë se nënshkrimi i sotëm i deklaratës së përbashkët në Samitin e Sofjes dhe diskutimet që janë bërë aty flasin për një gatishmëri të BE-së për t’i çmuar reformat e arritura të vendeve të Ballkanit Perëndimor dhe t’i shërbejë ato me avancim në rrugën drejt kësaj bashkësie.

“Serbia dhe Mali i Zi janë në pozicion më të avancuar, ndërsa pritet hapja e negociatave për Shqipërinë dhe Maqedoninë, kurse Kosova para vetes ka përgatitjen për status të kandidatit”.

“Përpara kësaj është liberalizimi i vizave”, ka thënë Haradinaj gjatë një interviste për Info Magazine në Sofje.

“Në samit u tha se nga vendet e Ballkanit Perëndimor pritet më shumë sesa që ato po bëjnë. Ballkani Perëndimor ishte temë e trajtimit të këtij samiti ku dhe Kosova është ishte palë dhe jemi paraparë si temë e interesimit. Edhe Presidenti [Borissov] dhe ata që folën për rajonin i dhanë peshë edhe progresit të Kosovës”.

Haradinaj ka thënë se pranimi si palë i Kosovës dhe progresi i arritur u respektua.

“Secili vend e ka një kërkesë  të menjëhershme – Kosova e ka liberalizimin e  vizave. Bisedova edhe me Presidentin e Francës, Macron, jo me kancelaren Merkel, por këshilltaren e saj. Ka ardhë koha që Kosovës t’i jepet lëvizja e lirë”.

“Isha direkt aq sa munda që t’iu them se kemi nevojë për përkrahjen e juaj në këtë temë. Mendoj që institucionet e BE-së brenda javës do të na pranojnë zbatimin e të gjitha kritereve, pastaj janë vendet veç e veç, proces që mund të marrë edhe disa muaj”.

“Nuk japin ‘hua’, pa i parë rezultatet e pritura”.

Fjalët kyçe: BE, Kosova, Ramush Haradinaj, Vizat

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Zombie Big Trouble
  • Play Turbo Racing 3
  • Play Bow Master
  • Play Urban Basketball