Gruevski e fshehu vrasjen e të riut maqedonas, sot protesta masive në Maqedoni
Sot në Maqedoni do të organizohen protesta masive për shkak se më 5 maj të vitit të kaluar nga publikimet e “bombave” të liderit të opozitës maqedonase, Zoran Zaev, u zbulua se si është fshehur vrasja e të riut maqedonas, Martin Neshkovski.
Lajme
Protestën e sotme do të organizojë iniciativa qytetare “Protestoj”, e cila në profilin e saj në Facebook shkruan se po shënohet një vjetori që kur u zbulua e vërteta për vrasjen e të riut maqedonas.
Kjo vrasje dyshohet se është fshehur nga funksionarët më të lartë të qeverisë së ish kryeministrit, Nikolla Gruevski, njofton Zhurnal.
“Sot është 5 maji, sot po shënohet një vjetori që kur dëgjuam se si Gruevski, Jankullovska, Mijallkov dhe bashkëpunëtorët e tjerë tentonin që ta fshehnin vrasjen”, bënë të ditur iniciativa “Protestoj”./ lajmi.net.
