Gjermania dhe Spanja arrijnë marrëveshje për kthimin e emigrantëve – Lajmi.net
Gjermania dhe Spanja arrijnë marrëveshje për kthimin e emigrantëve
Autori: Lajmi.net BotaLajme 22:16, 9 August 2018
Sot edhe një anije me emigrantë zbarkoi në Spanjë.

Mirëpo të gjitha shpresat se ata mund të vazhdojnë për në Gjermani mund të shuhen, shkruan EuroNews, përcjell Klan Kosova.

Berlini dhe Madridi ranë dakord që shteti gjerman t’i kthejë mbrapa emigrantët që kanë aplikuar azil për në Spanjë dhe mundohen të kalojnë për në Gjermani përmes kufijve të hapur të Schengen-it.

Sipas marrëveshjes, emigrantët duhet të kthehen në Spanjë brenda 48 orëve.

Marrëveshja u arrit pas një debati të gjatë në qeverinë e kancelares Angela Merkel. Ministri i Brendshëm, Horst Seehofer, kërcënoi të jepje dorëheqje për shkak të politikave të Merkel për emigrantët.

Ai kishte propozuar votim mosbesimi ndaj kancelares në qershor.  Më pas, Merkel kishte thirrur takim të jashtëzakonshëm të Bashkimit Evropian për migrimet.

Mbi  një milion e 600 mijë emigrantë kanë kërkuar azil në Gjermani që nga viti 2014. Politika e kancelares gjermane ishte kundërshtuar shumë nga partitë opozitare, gjë që bëri që partia e saj të merrte më pak vende në zgjedhjet e fundit.

Një marrëveshje të tillë Gjermania po tenton ta bëjë edhe me Italinë e Greqinë.

 

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO