Ai ka thënë se fushata e PDK-së ka një ritëm dhe një përmbajtje shumë më komplete se partitë e tjera. Kurse, fushata e LDK-së, sipas tij, është pak e vonuar dhe mjaft e zbehtë.

Në një intervistë për “Epoka e re”, Maliqi ka thënë se AAK-ja është duke u paraqitur me një program opozitar. Ai ka thënë se Vetëvendosje është duke proklamuar një platformë të re, të cilën e ka treguar në zgjedhjet lokale, ndërkaq AKR-ja është duke besuar se suksesi i zgjedhjeve lokale do t’i përsëritet edhe në zgjedhjet e përgjithshme.

E NISMA për Kosovën, sipas analistit Maliqi është duke e kërkuar votën kryesisht tek ish-votuesit e PDK-së.

Duke folur për fushatën dhe mbarëvajtjen e saj, ai ka thënë se pret që fushata elektorale të përfundojë pa incidente.

“Jam i bindur se nuk do të ketë ndonjë ashpërsim ose ndonjë incident të rëndë në këtë fushatë, i cili mund t’i qetë hije të zezë vendit”.

“Tani kemi institucionet të cilat i organizojnë dhe mbikëqyrin zgjedhjet. Natyrisht, polemika mund të ketë, është normale, sepse ndodhin në çdo vend”.