Mediat angleze kanë publikuar fotografi të Muhamed Envazit, të bëra para se ai t’i bashkohej shtetit islamik e që tash njihet si xhihadisti Xhon.

Sipas fqinjëve të tij në Londër, ai ka studiuar në Universitetin e Westminster, por pas tri vitesh e la për shkak të gjendjes shumë të varfër.

Radikali islamik ka hequr nga interneti çdo gjurmë nga jeta e tij dhe kjo ka ndikuar që fqinjët të jenë tronditur nga fakti se një njeri i tillë ka jetuar në mesin e tyre.

“Asnjëherë nuk e kemi parë që ka bërë diçka të dyshimtë në zonë, por ka qenë shumë i rregullt në xhami”, ka thënë taksisti Sharaft Ula.