Pavarësisht standardeve të përmirësuara në fabrikat formale, fabrikat si kjo në foto nuk inspektohen fare.

Përderisa fabrikat kryesisht bëjnë rroba për tregun lokal dhe për tregun indian, ata janë të njohur gjithashtu edhe për furnizimin e markave më të njohura ndërkombëtare përmes nënkontraktuesve, të cilët e kanë të vështirë ta dinë se nga vijnë rrobat e tyre, transmeton lajmi.et.

Fotografi Claudio Montesano Casillas ka zbuluar edhe mungesën tronditëse të kontrolleve të sigurisë brenda disa prej fabrikave të rrobave në Bangladesh, si dhe rutinat rraskapitëse të fëmijëve që punojnë atje.

Ai tha: “Brenda këtyre fabrikave, fëmijët punojnë rreth gjashtë ditë në javë, nga agimi e deri pas muzgut për një pagë minimale. Punëtorët nga këto fabrika flenë brenda fabrikës ose në dhomat me qira afër saj. Ata vijnë nga fshatrat për në qytet për të kërkuar punësim dhe ëndërrojnë një jetë më të mirë”.

Mendohet se ka rreth 1 milion fëmijë të moshës 10 deri 14 që punojnë si punëtorë në Bangladesh, sipas UNICEF – por numri është shumë më i lartë.

Në këto fotografi, Casillas ka kapur fëmijët duke u larë në fabrikë, që është vendi ku ata hanë, lahen dhe flenë, për shkak të ngarkesës së punës. (lajmi.net)