Fëmijët gjejnë trupin e një foshnje të varrosur në plazhin australian
Trupi i një foshnje është gjetur nga disa fëmijë që po luanin në një plazh në Sydney të dielën. Ai ishte i varrosur shumë afër sipërfaqes së tokës.
Bota
Të dy djemtë që kanë gjetur fëmijën janë gjashtë dhe shtatë vjeç. Ata kishin qenë duke gërmuar kur bënë zbulimin shqetësues. Ka filluar një hetim nga ana e policisë në Neë South Wales të cilët kanë rrethuar plazhin.
“Fëmijët u gjetën foshnjën e varrosur rreth 30 centimetra nën rërë”, ka thënë policia. “Të dy fëmijët e vegjël raportuan atë që panë te prindërit e tyre që ishin aty pranë, të cilët më pas kontaktuan policinë”.
“Hetimet në vdekjen e fëmijës janë duke vazhduar, megjithatë, mosha dhe gjinia e fëmijës ende nuk është përcaktuar”, raporton AFP të ketë thënë policia vendase.
Gjthashtu, policia ende nuk ka qenë në gjendje për të identifikuar foshnjën e vdekur apo pridërit e saj.
“Për fat të keq për shkak të dekompozimit, deri tani, ne nuk mund të themi moshën e foshnjës”, ka thënë policia. (lajmi.net)