Dorëzohet në Polici i dyshuari për vrasjen e 17 vjeçarit në Prishtinë
Policia e Kosovës ka njoftuar se rreth orës 17:00 është dorëzuar në Polici, i dyshuari për vrasjen e 17 vjeçarit në Prishtinë.
Lajme
Këtë e ka konfirmuar për lajmi.net, zëdhënësja e Policisë për rajonin e Prishtinës, Flora Ahmeti.
“Rreth orës 17:00 është vetdorëzuar në Polici personi i dyshuar L.P 18 vjeç, për rastin e vrasjes që ndodhi me datën 9 dhjetor në rrugën Gustav Majer në Prishtinë”, ka thënë Ahmeti.
Detajet dhe arsyet e vrasjes ende nuk dihen.
I ndjeri, Shkëlqim Pllana kishte qenë futbollist i skuadrës Keku. /Lajmi.net/