Gjykata iraniane dënoi tetë vetë me burgim nga shtatë deri në 20 vjet për një numër të veprave penale, duke përfshirë edhe atë të propagandës kundër regjimit përmes rrjetit social Facebook, njoftoi sot një website opozitar, ku bëhet e ditur se tetë personat u dënuan me gjithsej 123 vjet burg. 

Sipas AFP-së, deri më tani nuk ka konfirmim zyrtar të vendimit të gjykatës, dhe ka qenë e pamundur të konfirmohet lajmi i botuar në faqen e internetit të opozitës. 

Qasja në Facebook dhe faqet e tjera të ngjashme, nga autoritetet iraniane konsiderohet jo-islamike, e pamoralshme apo minim i rendit islamik, dhe ato mundohen të kufizojnë përdorimin në masë.