Një ministër i kabinetit të Qeverisë tha se shqiptarët që kërkojnë azil në Mbretërinë e Bashkuar duhet të kenë një arsye “shumë specifike dhe të veçantë”. Një zëdhënës i Qeverisë britanike tha se kanë forcuar masat në kufi për të mos lejuar emigrimin ilegal.

Konservatori Christopher Stephen Grayling ka kërkuar që kërkesat për azil nga emigrantët shqiptarë të shqyrtohen me kujdes.

“Shqipëria është një vend kandidat për në Bashkimin Evropian dhe nëse nuk ka një arsye shumë individuale për dhënien e azilit, duhet të ketë një sistem që t’i trajtojë këta persona si azilantë ekonomikë”.