Ambasadorët në Maqedoni, kërkojnë zgjidhje për krizën politike

Ambasadorët e vendeve evropiane insistojnë në zgjidhjen e menjëhershme të krizës politike në Maqedoni.

Lajme

12/05/2016 19:52

Ambasadori i BE-së, Aivo Orav, ai i Britanisë së Madhe, Carls Gereth dhe i Holandës, Vouter Plomp, apeluan që politikanët të punojnë në kthimin e besimit të qytetarëve në institucione dhe sundimit e ligjit në vend.

Ambasadori i BE –së, Aivo Orav, ka thënë se ende ka probleme serioze në Maqedoni me listën zgjedhore, lirinë e mediave dhe me vendimet e presidentit Ivanov për falje.

“Mendoj se liderët politik të vendit duhet të veprojnë shpejtë dhe në mënyrë konstruktive”, tha Orav.

Ndërsa ambasadori britanez, Carls Gereth ka thënë se urgjentisht duhet të arrihet marrëveshja që Maqedonia të dal nga “qorrsokaku” ku gjendet për momentin, raporton AM, transmeton KosovaPress.

Këto porosi vijnë kur në vend po qëndron i dërguari special i Gjermanisë, Johanes Hajndëll, i cili u takua me ambasadorët e vendeve të BE-së dhe atë të SHBA-së.