Kështu thuhet në reagimin e ambasadës amerikane në Shkup, ku sipas tyre, nëse mbahen zgjedhjet më 5 qershor, ato nuk do të bëjnë asgjë në drejtim të zgjidhjes së krizës politike në Maqedoni, apo ndërtimit të besimit në institucionet e vendit, por vetëm do të vënë në rrezik integrimin Euro-atlantik të vendit.

Shtetet e Bashkuara apelojnë te partitë politike që të mblidhen në kuvend, të anulohen zgjedhjet, të shfuqizohet falja dhe të zotohen për një agjendë agresive të reformave.

Nga ambasada bëjnë të ditur se mbeten të përkushtuar ta ndihmojnë zgjidhjen e kësaj situate, mirëpo zgjidhja kërkon demonstrim të qartë të vullnetit politik, shkruan AM, përcjellë KosovaPress.