Atë që duhet të dini është që mënyra si ecni është e lidhur drejtpërdrejt me atë se sa dobi keni nga ky aktivitet.

Një ekip i shkencëtarësh nga Britania e Madhe ka kaluar gjashtë vjet në hulumtimin e 420.000 njerëzve të moshës së mesme.

Në fillim të hulumtimit, askush nga vullnetarët nuk ka treguar shenja të sëmundjes së zemrës.

Ekipi ka kërkuar nga vullnetarët që të vlerësojnë hapin e tyre tipik të ecjes si të ngadalshëm, normal apo të shpejtë.

Vullnetarët kanë bërë edhe testin e ushtrimeve në laborator në mënyrë që hulumtuesit të vlerësonin nivelin e gatishmërisë fizike.

Në bazë të të dhënave, ekspertët kanë dalë në përfundim se këmbësorët e ngadalshëm kanë pasur rrezik të dyfishtë të vdekjes nga sëmundjet e zemrës.

“Qëllimi i studimit tonë ka qenë që të përcaktojmë se a ekziston lidhja midis dallimit në mënyrën e ecjes dhe sëmurja nga sëmundjet e zemrës apo kanceri në të ardhmen”, ka shpjeguar Tom Yates, drejtues i hulumtimit, për “Reader’s Digest”.