Të mbështeteni në vitaminën C

Shumica prej nesh kërkojmë lëng portokalli apo pilula vitaminë C menjëherë sapo të ftohemi, por një hulumtim tregon se ne vetëm po humbim kohë. Një studim i vitit 2013, që analizoi një hulumtim shëndetësor të kryer përgjatë 70 viteve, gjeti se marrja e vitaminës C pas ftohjes nuk i zvogëlon simptomat apo nuk e largon ftohjen. Studimet tregojnë se të marrësh pilula të zinkut mund të përshpejtojë procesin e largimit të ftohjes dhe gripit.

Të mos pini mjaftueshëm

Në dimër ne nuk ndjehemi të etur ashtu siç ndjehemi në verë por, sipas Asociacionit Britanik Dietetik, ne duhet të pimë ujë çdo ditë edhe në dimër, për të qëndruar të hidratuar. Sidoqoftë, edhe pijet e ngrohta mund të llogariten si hidratuese, kështu që pini më shumë çaja, transmeton lajmi.net.

Të mbathni këpucë të dobëta

Ato mund të ju mbajnë këmbët e ngrohta por mund të shkaktojnë probleme – veçanërisht tek femrat, duke i bërë ato të ecin në mënyrë jo-normale. Kështu, blini një palë këpucë të mira të cilat jo vetëm që do të ju zgjasin më gjatë, por edhe do ta rehatojnë këmbën tuaj, duke e mbajtur atë të ngrohtë.

T’i thani rrobat brenda

Një studim tregon se 91% prej nesh kemi shumë komponime organike të paqëndrueshme – kemikale të lëshuara lehtë në atmosferë nga produktet – në shtëpitë tona. Kur ne i thajmë rrobat në ambiente të mbyllura ne lirojmë acetaldehyde dhe benzol. Këto janë kancerogjene dhe mund të irritojnë lëkurën. Sigurohuni që t’i hapni dritaret në vendin ku i thani rrobat!

Të visheni shumë trashë për të ushtruar

Njerëzit e nënvlerësojnë atë se sa të ngrohta mund të jenë rrobat gjatë ushtrimeve. Një djersitje e tepërt do të thotë se trupi ftohet kur djersa përhapet. Kështu, vishni rroba që nuk janë të trasha, si p.sh vetëm veshje sportive – përndryshe, ju do të sëmureni! (lajmi.net)