​Ndërtimtaria, punë shumë, paratë askund

10 mijë denarë minimale ofrojnë kompanitë ndërtimore që punojnë në seksionet e reja rrugore në Maqedoni.

Lajme

19/06/2016 19:52

Nëpër konkurset kompanitë që kërkojnë murator, e ofrojnë minimumin ligjor. Kryetari i sindikatave të pavarura Marjan Ristevski nuk pajtohet që rrogat të jenë aq të vogla kur kompanitë paguajnë shuma të majme ndërsa në fund më pak të paguar janë ata që e bëjnë punën më të vështirë.

“Është e qartë se rroga minimale në Maqedoni duhet të rritet në mënyrë drastike pasi dikush e keqpërdorë. Vetë e dini se sa fonde jep komuniteti ndërkombëtar për ato autostrada, dhe tani kjo të keqpërdoret dhe të jepet rroga minimale, kjo vetëm e tregon karakterin e punëdhënësve tanë”, deklaroi Marjan Ristevski, kryetar i sindikatave të pavarura.

Në këtë periudhë po ndërtohet autostrada Kërçovë -Ohër që do të kushtojë 375 milion euro. Autostrada Shkup- Sveti Nikollë – Shtip do të kushtoj 206 milion euro. Për këto seksione, Qeveria mori kredi prej 580 milion euro nga Banka Kinez e “Eksim”.