​Ahmeti: zgjedhjet thellojnë krizën edhe më shumë

Kreu i BDI-së, Ali Ahmeti, ka thënë se zgjedhjet e 5 qershorit në Maqedoni nuk do ta zgjidhin situatën aktuale, por përkundrazi, do ta thellojnë atë edhe më shumë.

Lajme

12/05/2016 21:13

Në një postim, në rrjetin social facebook, Ahmeti ka shkruar se pa pjesëmarrjen e BDI-së, PDSH-së dhe LSDM-së, nuk pritet zgjidhje nga zgjedhjet.

Jemi të përkushtuar që të gjejmë zgjidhje në përputhje me interesat e qytetarëve tanë dhe pritshmërive të komunitetit ndërkombëtar. Zgjidhja nis me rikthimin e menjëhershëm të Parlamentit, prandaj ne do të ndërmarrim veprime konkrete në këtë drejtim gjatë ditëve në vijim në mënyrë që ky moment të ndodh sa më parë dhe ta rikthejmë stabilitetin dhe sigurinë bashkë me perspektivën EuroAtlantike”, ka shkruar Ahmeti në facebook.

Më tej ai ka shkruar se të gjitha partitë politike duhet t’i bashkëngjiten nismave të tyre që ta rikthejnë Kuvendin dhe të nisin bashkërisht zgjidhjen e krizës