Eksponentët e VV-së duket të jenë të pakënaqur me kërkesat e ndërkombëtarëve, respektivisht të amerikanëve.

Madje, ata paralajmërojnë edhe protesta. Një të tillë e ka parashikuar Imer Fejza, asistent i Hysen Durmishit, zëvendës-ministër i Infrastrukturës, përcjell lajmi.net.

“Shantazhet ndërkombëtare e vendore nuk kalojnë, mbesim të vendosur në të drejtën tonë“, shkroi ndër tjerash ai.

Kujtojmë se tashmë kanë filluar edhe masat e para ndaj Kosovës. Vendi ynë është përjashtuar nga operacioni përgatitor ushtarak “Defender Europe 2023”.

Këtë e pohoi edhe ambasadori amerikan, Jeff Hovenier. Madje, ky i fundit paralajmëroi edhe pika të tjera.

Në një intervistë dhënë gjashtë gazetarëve kosovarë, intervistë kjo që do të publikohet sonte, ka precizuar edhe dy kërkesat kyçe: largimi i kryetarëve nga objektet komunale dhe largimi i njësive speciale.