Pas suksesit të arritur në poker, Ronaldo i është rikthyer dashurisë së parë dhe të vërtetë.

Ish sulmuesi i Interit, Real Madridit, Barcelonës dhe Milanit, njëkohësisht bashkëpronar i Fort Lauderdale Strikers në North American Soccer League, një lloj lige e dytë e Major League Soccer, ka bërë të ditur se do të tentojë rikthimin në fushë.

“Nuk është e lehtë, por e dashuroj lojën dhe jam pensionuar për shkak të problemeve fizike”, deklaroi ai gjatë një konference për shtyp.

“Dua të provoj, do të stërvitem pak dhe të shohim. Futbolli është dashuria ime e madhe”, u shpreh Ronaldo.

Ish sulmuesi u pensionua në shkurt të vitit 2011 si futbollist i Corinthiansit në Brazil.