Zyrtare: Pogba në Pescara
Futbolli italian do të ketë dy Pogba. Mathias, vëllai i mesfushorit të talentuar të Juventusit, Paul ka nënshkruar kontratë me Pescaran në Serie B.
Sport
Paul Pogba është një prej talënteve më të mëdhenj aktualisht në futbollin italian.
Por, nga edicioni i ri, në Itali do të luajë edhe një Pogba tjetër, Mathias, vëllai i mesfushorit të Juventusit. Madje, reprezentuesi francez ka zyrtarizuar transferimin e vëllait të tij në Pescara duke publikuar një fotografi të tij duke nënshkruar kontratën me klubin nga Serie B.
Sulmuesi 23-vjeç depërtoi në sektorin e të rinjve në Celta Vigo ndërsa në vitet e fundit luajti në Wrexham, Crewe Alexandra e nga edicioni i ri në Pescara.
“Pogbat pushtojnë Italinë. Mirë se vjen vëllai im Mathias”, shkroi Paul Pogba në profilin e tij zyrtar në Twitter.