Kombëtarja e Kosovës në futboll pas tri ditësh do ta zhvillojë edhe ndeshjen e dytë të kampanjës kualifikuese për Kampionatin Evropian “Euro 2024”.

“Dardanët” do të ndeshen me Andorrën në stadiumin “Fadil Vokrri” të martën me fillim nga ora 20:40, shkruan lajmi.net.

Në uebfaqen e UEFA-s janë publikuar edhe delegimet e gjyqtarëve për ndeshjet e dyta të fazës së grupeve.

Gjyqtarët austriakë janë deleguar për takimin e dytë të Kosovës kundër Andorrës.

Sebastian Gishamer do të jetë gjyqtar kryesor i takimit, ndërkaq Roland Riedel dhe Santino Schreiner do të jenë dy ndihmësit e tij.

Kujtojmë se të shtunën mbrëma (sot), Kosova barazoi 1:1 me Izraelin në takimin e parë të Grupit I në Tel Aviv.

Kosova ndodhet në Grupin I së bashku me Zvicrën, Izraelin, Rumaninë, Bjellorusinë dhe Andorrën./Lajmi.net/