Fidan Aliti u transferua nga Skenderbeu te Kalmar FF dhe ka nënshkruar një kontratë katërvjeçare.

Gjatë mbrëmjes ai ka përfunduar testet mjekësore në Kopenhagë dhe pason nesër me pjesën tjetër të ekipit në kampin e trajnimit në Belek të Turqisë, përcjell lajmi.net.

Aliti është shprehur shumë i lumtur me kalimin te skuadra suedeze.

“Ndihem shumë mirë që gjithçka është gati. Jam jashtëzakonisht i lumtur që kam nënshkruar kontratën me Kalmar FF dhe pres që të takohem me shokët e rinj të skuadrës. Dëshiroj gjithashtu të falënderoj menaxherin e sportit dhe trajnerin në Kalmar FF, i cili me të vërtetë tregoi se duan të investojnë në mua, thotë Fidan Aliti.

Fidan Aliti debutoi për ekipin kombëtar shqiptar në 2014 dhe u ishte i pranishëm në dy ndeshje kombëtare para se të merrte hapin për të përfaqësuar Kosovën në vitin 2016. Atje, ka pasur gjithsej njëmbëdhjetë ndeshje. Gjashtë në Ligën e Kombeve, katër ndeshje miqësore dhe një ndeshje në kualifikimet në Kupën e Botës.

Ai ka luajtur te Skënderbeu si mbrojtës qendror dhe si mesfushor defanziv. Gjatë sezonit të kaluar me KF Skenderbeu, ai ka bërë shtatëmbëdhjetë ndeshje si mesfushor dhe tre si mbrojtës qendror.

“Unë mendoj se kam cilësitë më të mira si një mbrojtës qendror, pasi më pëlqen dueli me lojtarët kundërshtar dhe luftoj shumë për çdo top. Por, unë gjithashtu e shoh veten si një lojtar të gatshëm për ndeshjen e radhës, pasi mezi pres të debutojë.

Gjatë dimrit, thuhet se shumica e klubeve kanë qenë të interesuara për nënshkrimin e Fidanit. Përfundimisht, ai zgjodhi të luajë për Kalmar FF. /Lajmi.net/