Mbrojtësi i majtë ka nënshkruar një marrëveshje pesë-vjeçare me kampionët spanjollë dhe do të jetë ‘back-up’ i Jordi Albas në ‘Camp Nou’.

Pagesa përfundimtare për Junior mund të rritet në 30 milionë euro me bonuse, ndërsa klauzola e lirimit është 200 mln euro, përcjell lajmi.net.

Lindur në Republikën Dominikane, Junior ka përfaqësuar Spanjën U21 duke bërë përshtypje gjatë pesë viteve në Betis.

22-vjeçari largohet nga klubi andaluzian ku ka bërë 43 paraqitje, duke shënuar pesë gola dhe duke ndihmuar me shtatë asistime në të gjitha garat.

Firpo shënoi në fitoren e madhe të Betis 4-3 ndaj Barcelonës në ‘Camp Nou’ në muajin nëntor. /Lajmi.net/