Ibrahim Afellay është larguar zyrtarisht nga Barcelona në tentim për të ringjallur karrierën e tij në Greqi. Olympiacos ka njoftuar transferimin e mesfushorit holandez, në formë huazimi nga gjiganti katalan.

Afellay u urdhërua nga trajneri Luis Enrique që të gjejë një skuadër të re dhe ai ka vendosur që stinorin e ardhshëm ta kalojë te gjiganti grek.

Në Olympiacos, Afellay ka nënshkruar kontratë deri në verën e vitit 2015, në formë huazimi, me mundësi të qëndrimit afatgjatë për dy vite të tjera.

Një rast i ri për Afellayn i cili ka vuajtur shumë nga lëndimet e njëpasnjëshme në vitet e fundit.