Zidane pyetet për Mbappe, kjo është përgjigja e tij

Trajneri i Real Madrid, Zinedine Zidane, ka folur më në fund rreth mundësisë që skuadra e tij ta transferojë sulmuesin francez, Kylian Mbappe.

Sport

20/04/2019 16:39

Zidane ka bërë të ditur se drejtuesit sportiv e dinë se kush janë synimet e tij për merkaton, por nuk ka dhënë diçka konkrete rreth yllit të Paris Saint Germain.

Pasi flitet për largimin e Gareth Bale, zërat janë shtuar edhe më shumë për transferimin e Mbappe, pasi lojtari luan në pozitën e njëjtë.

Para ndeshjes kundër Athletic Bilbao, Zidane ka bërë të ditur se është duke diskutuar me drejtuesit e klubit për transferimet, por nuk ka dhënë ndonjë emër të veçantë.

“Mund të pyesni dhe mund të përgjigjem si dua unë. Unë nuk do të jap asnjë emër” ka thënë Zidane i pyetur për Mbappe, transmeton lajmi.net.

“Unë flas me skuadrën për llojin e lojtarit që dua, përderisa e di atë shumë mirë, por nuk e flas këtu para medieve” ka thënë tutje trajneri francez.

Ndeshja kundër Bilbao do të jetë e rëndësishme për Real Madrid të cilët synojnë pozitën e dytë në tabelë, në garën me Atletico Madrid.

‘Los Blancos’ kanë fituar vetëm një nga tri takimet e fundit në La Liga, dhe synojnë përmirësimin e këtij rekordi. /Lajmi.net/