Kohëve të fundit në Lëvizjen Vetëvendosje, kanë dalë disa zëra kritik ndaj kësaj partie, nga vetë anëtarët e saj.

Këto kritika në drejtim të VV-së kanë ardhur kryesisht pas zgjedhjeve brenda partisë, nga anëtarë që nuk u ndanë të kënaqur me procesin zgjedhor, shkruan lajmi.net.

Në lidhje me këtë, është deklaruar edhe analisti i çështjeve politike, Rron Gjinovci, i cili ka shtruar pyetjen se pse VV-ja nuk i përjashton të pakënaqurit, në mënyrë që me shku në zgjedhje dhe si rrjedhojë, siç ka thënë analisti, “me u pastru kuvendi prej prapambeturisë”.

“Pse nuk i qet starapushkë jashtë prej partisë VV-ja qita “t’paknaqunit” e me shku edhe niher n’zgjedhje e si rrjedhojë mu pastru kuvendi prej prapambeturisë?”, ka thënë Gjinovci.

Kujtojmë se njëri nga zërat e pakënaqur është edhe deputeti Visar Korenica, i cili ka thënë se brenda VV-së ka një tendencë kontrolli.

Përveç Korenicës, ka qenë edhe deputeti Eman Rrahmani, i cili ka hedhur kritika në drejtim të deputetëve të VV-së, duke i quajtur disa prej tyre si “servil”, të cilët po mundohen të përfitojnë prej cilës do situate. /Lajmi.net/