Ylli botëror i bashkohet Dua Lipës në koncertin virtual
Dua Lipa ka zbuluar befasinë e radhës për koncertin e saj virtual.
ShowBiz
Dua Lipa ka filluar numërimin nga prapa për koncertin virtual, të cilin fansat e saj po e presin me padurim, shkruan lajmi.net.
Këto ditë, artistja ka punuar intenzivisht në prova, në mënyrë që koncerti të dalë sa më mirë që të jetë e mundur.
Dua nuk do të jetë vetëm në këtë koncert, por atë do ta shoqërojnë edhe shumë emra të njohur të muzikës.
Së fundi, ajo ka njoftuar se Elton John po i bashkohet në “Studio 2054”, ndërsa shprehet e emocionuar për këtë fakt.
View this post on Instagram
“Jam shumë e ngazëllyer të ju njoftoj se Elton John po më bashkohet për Studio 2054!”, shkruan Dua.
Përveç tij, në këtë koncert do të marrin pjesë edhe J Balvin, Kylie Minogue, Miley Cyrus, e të tjerë.
Kujtojmë se “Studio 2054” do të organizohet nesër (e premte), kurse biletat për këtë koncert janë shitur në shumë vende të botës. /Lajmi.net/
View this post on Instagram