Të Infektuar: 70.753

Të Shëruar: 60.628

Të Vdekur: 1.620

Xavier Cannefax, MVP i xhiros 11-të të Superligës

11:52 | 28 Dhjetor 2020

Basketbollisti i Ponte Prizrenit, Xavier Cannefax është shpallur MVP i xhiros së 11-të të Superligës së Kosovës në basketboll.

Ponte Prizreni po vazhdon me fitore në Prince Caffe Superligën e Kosovës në basketboll. Kësaj radhe prizrenasit kanë mundur Rahovecin me rezultat 88:82.

Më i merituari për këtë fitore ishte Xavier Cannefax me 34 pikë, tri kërcime dhe dy asistime, me një indeks prej 34. Ai edhe në momentet vendimtare të ndeshjes, tregoi klasin e tij, duke i dhuruar skuadrës së tij një fitore shumë të rëndësishme. Xavier ishte i pandalshëm në këtë ndeshje, duke qenë enigmë për Vreshtarët, që shkaktuan 10 faulle ndaj tij.

Ndërkohë, top 5 shënuesit e kësaj jave janë Xavier Cannefax i Ponte Prizrenit me 34 pikë, Dion Dixon i Pejës me 31 pikë, Cendrik Council i Vëllaznimit me 30, Christopther Hortman i Vëllaznimi me 25 dhe Tramaine Isabell i Trepçës me 25./Lajmi.net/