Para mediave, Walker ka folur edhe për situatën e fundit të krijuar në vend, me ngërçin e krijuar në formimin e qeverisë së re, shkruan lajmi.net.

Ai tha se një shtet pa qeveri, vështirë të thuhet se është shtet.

Sipas tij, ka pritje tek njerëzit dhe diaspora se situata do të ndryshojë, mirëpo se kjo nuk mund të bëhet pa qeveri të re.

“Një shtet pa qeveri është vështirë të jetë shtet. Pritjet tek njerëzit dhe diaspora janë se tani kemi një shansë për të rinjtë, por pa e bërë një qeveri kjo është vështirë e realizueshme. Pra jam i interesuar ta shoh se çka do të ndodhë, dhe shpresoj se qeveria do të bëhet shpejtë”, tha ai para gazetarëve.

William Walker ishte ndër njerëzit kryesor që ngriti zërin për gjenocidin që forcat serbe kryen gjatë viteve të 90-ta në Kosovë.

Ai vije çdo vit në Kosovë, në përvjetorët e masakrës së Reçakut që shënohet çdo 15 janar. /Lajmi.net/